A Fundación Florencio Delgado Gurriarán, co apoio e patrocinio da Deputación de Ourense, convoca o Premio de Poesía Florencio Delgado Gurriarán. Esta iniciativa, xa consolidada no panorama de creación literaria en galego, ten por finalidade fomentar a escrita de textos poéticos en lingua galega así como a difusión dos seus autores e autoras. Neste 2025, na súa sexta edición, presentáronse un total de 224 poemas de 138 autores e autoras diferentes, batendo o record de participación do certame. [Edición 2024: V Premio de Poesía FDG]
Miguel Anxo Fernán Vello gaña o VI Premio de Poesía FDG
O VI Premio de Poesía Florencio Delgado Gurriarán xa ten poema gañador. Trátase de A porta da casa que se abre de Miguel Anxo Fernán Vello (Cospeito, 1958). Poeta, dramaturgo, pintor e editor, Fernán Vello recolleu o galardón, dotado con 3.000€, nunha gala celebrada no Teatro Lauro Olmo do Barco e á que chegara como finalista xunto aos poemas A Casa de barro, de Cristina Ferreiro e Deixará de pasar algún día, de Saray Rodríguez Pérez. Foi escollido, segundo o xurado, pola súa profundidade, capacidade lírica e imaxes que espertan a sensibilidade do lector
Gala VI Premio de Poesía
A gala de entrega do VI Premio de Poesía Florencio Delgado Gurriarán, no que se coñecerá o poema gañador desta edición, celébrase o sábado 20 de setembro no Teatro Lauro Olmo do Barco. A gala terá un carácter benéfico e a entrada custará 5€. A recadación da taquilla, xunto coas doazóns da fila cero destinaranse a paliar os efectos dos lumes que asolaron Valdeorras este verán. A condutora da gala será a actriz Iria Pinheiro acompañada polo músico Davide González.
IBAN fila 0: ES79 2080 0405 4930 4004 9409
Ao día seguinte da gala, o domingo 21 de setembro, terá lugar en Petín un encontro poético musical con Mario Colomán & The Clocks Band.
Finalistas
A casa de barro, Cristina Ferreiro
Cristina Ferreiro (Lugo, 1983) Técnica superior en realización audiovisual, Ferreiro ten recibido bolsas artísticas e participado con pezas de videoarte en exposicións en Galicia, Barcelona, Valencia e Oporto. A súa obra poética obtivo diversos premios e foi incluida en revistas e fanzines así como en antoloxías de poesía galega.
Publicou os poemarios Desequilibras e Caer (Bubela Editorial, 2009), Abecedario Póstumo (XII Premio de Poesía Fiz Vergara Vilariño. Espiral Maior, 2013), As paisaxes eléctricas (XXVI Premio Eusebio Lorenzo Baleirón. Sotelo Blanco Edicións), Morrer non é durmir para sempre (Bubela Editorial, 2022).
A porta da casa que se abre, Miguel Anxo Fernán Vello
Miguel Anxo Fernán Vello (Cospeito, 1958). Poeta, dramaturgo, pintor e editor, estudou Psicoloxía, Filoloxía e Música. Foi secretario xeral da AELG, presidente do Gremio de Editores de Galicia e fundador de Edicións Espiral Maior (1991). Como poeta obtivo en dúas ocasións o Premio Nacional da Crítica e foi finalista do Premio Nacional de Literatura. Autor de 15 libros de poemas, a súa obra foi recoñecida, entre outros, cos premios Celso Emilio Ferreiro, Esquío e Martín Códax.
Con varios libros traducidos ao francés, castelán, catalán e italiano figura na antoloxía universal De totsels vents (2004). No 2001 a Orquestra Sinfónica de Galicia estrea a súa cantata Cantiga Finisterrae, con música de Juan Durán. Na súa etapa como deputado no Congreso foi Secretario da Comisión de Cultura e participou da elaboración do Estatuto do Artista.
Deixará de pasar algún día?, Saray Rodríguez Pérez
Saray Rodríguez Pérez (Ourense, 2003) é estudante de dereito na Universidade de Vigo, compaxinando a súa formación xurídica cunha intensa actividade literaria e cultural. A súa obra poética xa foi recoñecida en diferentes certames de novos creadores e participou no volume colectivo Que nuestras flores no mueran co poema Se trata del amor.
Ademais de como escritora, destaca tamén a súa faceta como oradora e divulgadora en innovación pedagóxica. Defende unha poética comprometida coa palabra como espazo de resistencia, e a escrita como un lugar para a verdade emocional.
A casa de barro, Cristina Ferreiro
Cristina Ferreiro (Lugo, 1983) Técnica superior en realización audiovisual, Ferreiro ten recibido bolsas artísticas e participado con pezas de videoarte en exposicións en Galicia, Barcelona, Valencia e Oporto. A súa obra poética obtivo diversos premios e foi incluida en revistas e fanzines así como en antoloxías de poesía galega.
Publicou os poemarios Desequilibras e Caer (Bubela Editorial, 2009), Abecedario Póstumo (XII Premio de Poesía Fiz Vergara Vilariño. Espiral Maior, 2013), As paisaxes eléctricas (XXVI Premio Eusebio Lorenzo Baleirón. Sotelo Blanco Edicións), Morrer non é durmir para sempre (Bubela Editorial, 2022).
A porta da casa que se abre, Miguel Anxo Fernán Vello
Miguel Anxo Fernán Vello (Cospeito, 1958). Poeta, dramaturgo, pintor e editor, estudou Psicoloxía, Filoloxía e Música. Foi secretario xeral da AELG, presidente do Gremio de Editores de Galicia e fundador de Edicións Espiral Maior (1991). Como poeta obtivo en dúas ocasións o Premio Nacional da Crítica e foi finalista do Premio Nacional de Literatura. Autor de 15 libros de poemas, a súa obra foi recoñecida, entre outros, cos premios Celso Emilio Ferreiro, Esquío e Martín Códax.
Con varios libros traducidos ao francés, castelán, catalán e italiano figura na antoloxía universal De totsels vents (2004). No 2001 a Orquestra Sinfónica de Galicia estrea a súa cantata Cantiga Finisterrae, con música de Juan Durán. Na súa etapa como deputado no Congreso foi Secretario da Comisión de Cultura e participou da elaboración do Estatuto do Artista.
Deixará de pasar algún día?, Saray Rodríguez Pérez
Saray Rodríguez Pérez (Ourense, 2003) é estudante de dereito na Universidade de Vigo, compaxinando a súa formación xurídica cunha intensa actividade literaria e cultural. A súa obra poética xa foi recoñecida en diferentes certames de novos creadores e participou no volume colectivo Que nuestras flores no mueran co poema Se trata del amor.
Ademais de como escritora, destaca tamén a súa faceta como oradora e divulgadora en innovación pedagóxica. Defende unha poética comprometida coa palabra como espazo de resistencia, e a escrita como un lugar para a verdade emocional.
Xurado
Poetas e artistas cunha ampla traxectoria, un investigador da literatura galega, e dous poetas novos. Os cinco nomes que integran o xurado do VI Premio de Poesía Florencio Delgado Gurriarán reúnen a experiencia, o talento e a pulsión que require escoller ao próximo poema gañador do que é xa un dos certames literarios máis consolidados do país.
Poetas e artistas cunha ampla traxectoria, un investigador da literatura galega, e dous poetas novos. Os cinco nomes que integran o xurado do VI Premio de Poesía Florencio Delgado Gurriarán reúnen a experiencia, o talento e a pulsión que require escoller ao próximo poema gañador do que é xa un dos certames literarios máis consolidados do país.
Resumo das bases
de envío (2025)
de 50 versos
a un poema
O Premio de Poesía Florencio Delgado Gurriarán cumple a súa sexta edición consolidado como un dos certames literarios máis importantes de Galicia. Convócao a Fundación Florencio Delgado Gurriarán co apoio e patrocinio da Deputación de Ourense. Este premio nace no 2018 para promover a creación literaria e reivindicar a obra do poeta de valdeorrés.
A convocatoria é similar á doutros anos: deberán presentarse poemas inéditos, en galego e cunha extensión máxima de entre 15 e 50 versos, puidendo presentarse ata tres poemas por persoa. O certame ten un premio único de 3.000€ e poderase presentar calquera persoa maior de idade e que non fose gañadora en anteriores edicións. Os membros do xurado serán anunciados un mes despois da publicación destas bases.
Hai dúas maneiras de inscribirse, enchendo o anexo das bases e enviándoo escaneado xunto co poema a fundacion@florenciodelgadogurriaran.gal ou directamente no formulario de inscrición online.
O prazo para recibir obras remata o 29 de xuño de 2025 ás 23:59 horas.
Cartel
O deseño do cartel desta VI edición do Premio é obra de Patricia Fernández, unha ilustradora valdeorresa que asina como lapintiparada. Graduada en Belas Artes, compaxina a súa vocación artística co deseño gráfico profesional.
Na súa proposta mestura dous retratos ben coñecidos de Florencio, evocando o paso o tempo e as transformacións que trae consigo. Para Fernández, este deseño foi unha oportunidade de sentirse parte deste proxecto cultural.
Bases V Premio de Poesía Florencio Delgado Gurriarán
O premio
O concurso resolverase nun único premio de 3.000€ (TRES MIL EUROS), cantidade que se entregará ao autor ou autora do poema gañador coa dedución previa dos correspondentes impostos.
Presentación de texto e inscrición no concurso
A inscrición no concurso realizarase por vía electrónica a través do formulario da páxina web www.florenciodelgadogurriaran.gal ou ben enviando o anexo destas bases cuberto ao correo electrónico fundacion@florenciodelgadogurriaran.gal adxuntando a obra ou obras presentadas e un breve currículo literario.
Prazo de presentación
O prazo de presentación das obras comezará a partir do día seguinte da súa publicación na páxina web da Fundación e o prazo, improrrogable, de presentación dos textos será ata o 29 de xuño de 2025 ás 23:59h seguindo as indicacións que seguen.
Condicións e requisitos
- Os autores ou autoras deberán ser maiores de idade no momento de enviar a obra
- Os textos presentados deberán estar escritos en lingua galega.
- A obra presentada debe ser unha poesía ou composición literaria en verso, unitaria, en ningún caso se aceptarán poemarios ou conxuntos de textos poéticos.
- Os orixinais presentados deberán ser textos orixinais e inéditos. Non poderán concorrer textos premiados, presentados anterior ou simultaneamente a outros certames ou textos que manteñan compromisos editoriais de publicación.
- Os textos serán de temática e forma libre, cun máximo de 50 versos.
- Poden presentar escritos todas as persoas que o desexen, agás aquelas que xa foran premiadas nas anteriores convocatorias deste Premio.
- Cada persoa pode presentar ata un máximo de 3 textos a concurso, sempre e cando cumpran os requisitos aquí descritos.
- Os textos enviaránse en formato dixital .pdf. Non se admitirán textos con detalles de maquetación ou deseño que permitan identificar a autoría.
- Os texto presentados non deben conter datos persoais nin indicación ou referencia que faga alusión á autoría do texto. Os datos aportados na inscrición non serán en ningún caso transmitidos ao xurado.
- No caso de estar entre os tres poemas finalistas e/ou ser gañador do certame, o autor/a e os finalistas cederán a esta entidade os dereitos de explotación para a publicación, reprodución ou distribución do poema. Tal e como consta no regulamento que marca a Lei de Propiedade Intelectual desenvolta no Real Decreto Lexislativo 1/1996, de 12 de abril.
- Os traballos non premiados serán conservados no arquivo da Fundación para posibles traballos de análise e investigación, máis nunca para a súa publicación sen permiso previo (asinado no mesmo ano natural) dos/as propietarios/as.
- Os participantes enviarán, xunto ao traballo presentado, un breve currículo persoal e literario (10 – 30 liñas).
- No caso de ser premiado, o/a gañador/a comprométese a declarar baixo a súa responsabilidade o carácter inédito e non premiado da súa obra; así como o seu total sometemento ás bases do concurso.
- O/a gañador/a, e os finalistas, aceptan pórse a disposición da organización do concurso para a promoción e difusión do premio de forma específica asistirán aos actos de entrega propostos pola organización salvo causa de forza maior.
- A persoa gañadora, así como as persoas finalistas, autorizan o tratamento dos seus datos persoais á Fundación Florencio Delgado Gurriarán conforme ao disposto no Regulamento Europeo (2016/679). O tratamento destes datos serán os necesarios para xestión, desenvolvemento e publicidade do premio.
O xurado
O xurado do Premio será seleccionado pola Fundación Florencio Delgado Gurriarán e designado pola presidenta da mesma. Este estará integrado por personalidades da cultura galega de especial valía e recoñecemento. Tamén formará parte do mesmo o/a gañador/ gañadora da edición anterior.
As funcións dos membros do xurado serán:
- Ler e valorar a calidade literaria das obras presentadas no marco desta convocatoria.
- Asistir ás reunións telemáticas convocadas para a resolución do premio. Asistir ao acto e entrega oficial do V Premio de Poesía de Florencio Delgado Gurriarán que se celebrará en Valdeorras no mes de setembro.
A publicación dos integrantes do xurado farase un mes despois da publicación das presentes bases do premio.
O xurado resérvase o dereito a declarar nulo o concurso no caso de que os textos presentados non reúnan méritos suficientes ou que os textos non se axusten ás condicións establecidas na convocatoria.
Prazo de resolución e notificación
- O 10 de setembro do ano en curso o xurado resolverá o premio facéndose público o nome dos e/ou das finalistas. O gañador/gañadora coñecerase na gala de entrega de galardóns.
- O fallo do xurado farase público na web da entidade sen prexuízo de que se poida comunicar a través doutras canles de comunicación.
- A partir da gala de entrega do premio, o gañador ou gañadora disporá dun prazo máximo de 10 días naturais, para presentar un escrito no que comunique a súa aceptación do premio conforme ao modelo que se lles proporcione e documento xustificativo da entidade bancaria da posesión da conta bancaria onde recibirá o pagamento. En caso de non aceptar dentro do referido prazo quedará sen efecto o premio proposto, pasándose a premiar o/a seguinte mellor valorado.
- O fallo do xurado será ratificado polo padroado da Fundación a través de certificación expedida pola secretaría da mesma.
